Isch für mich s`Ideal erste Gschenk uf de Geburtstag., uf Ostere oder uf de Samichlaus. Aber natürlich au es super Mitbringsel. E Ballonhülle isch e Stoffhülle wo so gnäht isch, dass sie usgseht wie en Ball. Sie hät e Öffnig wommer da Ballon chan dri stecke. Aschlüssend wird er ufblase bis en richtig tolle Spielball git, sEndi wird verzwirblet oder verknotet je nach Lust und Luune. Und den heisst los mir chönd spiele!!!
Vorteil er isch sehr liecht, er hät i jedem Hose-/Jackesack platz somit chan er überall mitcho wommer en Ball guet chan bruche zum spiele. Mir händ euse schon a ganz vieli Ort mitgno und testet, uf Bsuech, uf em Spielplatz, im Wald, i de Freibadi. Falls de Ballon mal platze würdi, bliibet alli chliine Teili i de Hülle und es bestaht kei Gfahre das öpper dran chönti versticke. Falls er mal so drecki sötti si vom viele Spiele oder vo de Matschhändli, das en sMami oder de Papi gern mal wetti i de Wöschmaschine wäschen, isch au das gar keis Problem. Eifach de Ballon zerst entferne und Hülle id Wöschmaschine stecke.
Wenn du e Ballonhülle bstellsch, den wird die direkt mit 3 Luftballön zäme glieferet. Damit mer direkt chan loslege mit spiele, bzw. ohni grosse Ufwand chan verschenke.
