Ich zeig eu da e Täsche Namens Lunchbäg. Schnittmuster isch bi dem Modell vo mir selber. Wie ich uf de Name cho bin? Ganz eifach dä MUUS Papi hät e alti Täsche ga wo langsam aber sicher d Eigeschaft als Trasport vom Zmittag nüme hät chöne wahrnäh. Da hät de Papi sini MUUS gfröget: „Chasch du mir evt. e Täsche nähe?“ Klar chani das! Nur welli Grössi sölls sii? Grössi isch schnell vom Papi definiert worde damit Tupperware, Joghurt & Co. sin Platz findet.
Usführig uf em erste Bild isch: Usse beschichteti Bauwolle, inne Baumwollstoff mit passende farbige Hänkel. Mer chan die Täsche au uf 30° Wäsche, aber bitte nöd in Tumbler tue.
Die Täsche chani au uf Wunsch us anderen Materialie nähe (beschichtet Liene, Canvas oder Baumwolle) und natürlich au mit div. Extras.
